Mutons

Cëla ma tlo! Vie ma ca!
No cramé su. Oh, ma cie n min.
Ocio che te tomes, No no nsci
Aud ma! Cëla ma! No, no sauté.
Shhh. Bala a chiet!
N sëuralauter de ujes,
cunsëis minei bon che mët sot sëura y nciurnea.

Ocio tlo ocio ilò
Stlu l vier, ei n ciaut da murì! No te tré ora.
Ma pensé pënsi pa ie per te
Merë nia ulëi, mei pudëi
La usc dedite che disc
Ma la drëta ie chëla di granc!

Sce te dijes ti minonga,
scuté su truepa asurditeies.
Essa ciaut? I granc l sa.
Essa frëit? Damanda i granc.
Essa fam? I granc te dijerà.
Uessa sauté? Damanda i granc.
No svaié! I granc y si pesc.

N dì sarés grand ënghe tu
Tan de cosses che te saverés!
Perduda la legrëza, la spuntanità de ti vester
Tla costrizions sozieles, la moral dl vester
Paradosc de uni sort
Nia plu te nstés,
ma savëi saverés!

In

Lascia un commento

Il tuo indirizzo email non sarà pubblicato. I campi obbligatori sono contrassegnati *