Co ie pa chësta storia
de chiche sa y ne sa nia
de chiche po y ne po nia,
de chiche à y ne à nia?

Co ie pa chësta storia,
de uniputënza
de pudëi
de concuistes uetes
de vites monches?

Co ie pa chësta storia,
de ngrum de paroles svaiëdes
azions programedes?
7 menuc
5 menuc
me plu 8 menuc,
de plu ne iel nia.
Pu co? Ula iesi pa duc?
Mi essa tëuc?
Can ei pa perdù l tëmp?

D’Urgënza
sën o mei plu,
debota dan che vën i autri
i primes n esclusiva!
Audide audide!
Tan assé che n’ei,
de ti sauté do a chësta codla
che burdlea y burdlea
for plu injù
tla gola di valors perdui.